ازاي تستقبل قناه تايم سبورت علي التردد الارضى بجوده عاليه
مجموعة إعلام المصريين نزلت من يومين قناة جديدة اسمها Time Sport على التلفزيون الأرضيةهتذيع كل مباريات كاس أمم أفريقيا.. ⚽🏆
👀 بس عشان تتفرج على القناة الأرضية دي على النايل سات مش هتعرف لان هي أرضية ملهاش تردد اصلا، فدلوقتي لازم تستقبل على جهاز تلفزيونك سواء قديم أو سمارت جديد القناة الأرضية دي بس بكواليتي حلوة بقى عشان تتفرج على الماتشات وتهيص كدا! 😎
ازاي بقى تستقبل القناة الأرضية بجودة عالية على تلفزيونك مهما كان نوعه؟!
📺 التلفزيون القديم
1. عادي هتلقط القناة عن طريق الاريال اللي فوق تلفزيونك العادي مباشرة بس طبعا الكواليتي بشعة
2. تقدر بقى تلقط حاجة كدا كواليتي أعلى HD من خلال انك تشتري جهاز بيحول الاشارك من أنالوج إلى ديجيتال بيتوصل فيه الاريال ويطلع منه الكابلات التلاتة الملونين بتوع الفيديو والأوديو على التلفزيون بتاعك
🖥️ التلفزيونات الجديدة
1. هتحتاج انك تستخدم جهاز تحويل أنالوج إلى ديجيتال متوصل بيه الاريال اللي بيتحط فوق السطح UHF Antenna ويطلع من الجهاز وصلة HDMI عادي داخلة ع التلفزيون
2. لو التلفزيون بيدعم التحويل المباشر من انالوج الى ديجيتال بدون جهاز خارجي، برضو هتحتاج برضو أريال UHF Antenna اللي بيتحط فوق سطح البيت وبيبقى خارج منه عصيان زي الشوك كدا وبيوصل على التلفزيون برضو
🖱️الكمبيوتر أو اللابتوب💻
هتستخدم جهاز فيه ايريال بيتوصل USB بالكمبيوتر او اللاب بحيث يلقط اشارات انالوج القنوات الارضي ويحولها ديجيتال بحيث تتفرج على التلفزيون
🌟 فيه بقى كمان نزل تردد القناة 11449 رأسي على الناي سات بس معتقدش هيتذاع عليها الماتشات ويادوب هتبقى استديو تحليلي وخلاص، لانه لو اتذاع على النايل سات الماتشات هيبقى خرق لحقوق البث اللي شارياها قنوات beIN Sport 😉